Lexoni edhe:
Prokurorët dhe gjyqtarët SHIK-ut që po ua bëjnë avokaturën krimit të organizuar në institucionet e sigurisë dhe drejtësisë të vet largohen urgjent nga pozitat e uzurpuara!
Blerim Latifi: Ata që po e kritikojnë Kurtin, janë soji i njerëzve që po prisnin të shpërbleheshin me poste
Filozofi Blerim Latifi ka komentuar zhvillimet e fundit, me theks të veçantë disa kritika që janë bërë drejt kryeministrit Albin Kurti dhe Qeverisë të cilën ai e udhëheq.
Latifi ka thënë se ata që dikur e lavdëronin Kurtin, e tani e kritikojnë, janë ata persona që kanë pritur të shpërblehen me poste nga ky i fundit.
“Ata që deri me 14 shkurt e çonin në qiell Albin Kurtin “e gjithdijshëm” dhe tani kanë filluar të hedhin vrer mbi të, ta dini se nuk janë të atillë që u dhemb zemra për këtë vend, duke parë gabimet e qeverisjes së tij. Jo, ata janë soji i njerëzve që kanë pritur të shpërblehen me poste nga Kurti për elozhet që i kanë thurur atij ndër vite, dhe kur e kanë parë se Kurti i ka harruar në ditën e shpërndarjes së posteve, i janë kthyer me kritika e akuza, të cilat nuk i pushojnë as ditën as natën”, thotë Latifi.
Njëjtë, thotë Latifi të ketë ndodhur edhe gjatë viteve 2007 e 2008-të.
“E kam parë me sytë e mi sojin e këtyre njerëzve gjatë viteve 2007 e 2008. Llojlloj servilësh i shkonin pas Hashim Thaçit, shkruanin e shpërndanin elozhe gjithandej për të, pastaj kur Thaçi nuk ua mbushi gushën me poste e privilegje, ndërruan menjëherë fytyrën dhe filluan ta shanin poshtë e lart, ditën dhe natën. Në këtë vend, kryesisht, njerëzit e kritikojnë pushtetin jo për atë se çfarë bën ai, por për faktin se nuk janë edhe ata pjesë e tij. Parimet morale dhe interesi i përgjithshëm i shtetit janë gjërat e fundit për ta cilat njerëzit e lodhin mendjen e në këtë vend. Prandaj edhe i kemi punët kështu siç i kemi, për faqe të zezë”, tha ai.
(Kosova Sot Online)
