Lexoni edhe:
Berisha: Do isha larguar po të fitonte PD! Tani do vazhdoj sa të më japë fuqi Zoti
Konjufca: Ramush Haradinaj personalisht i ka punët keq me korrupsionin, mund të përfundojë në Prokurori
Kryetari i Kuvendit, Glauk Konjufca, iu është kundërpërgjigjur ish-kryeministrit Ramush Haradinaj. Ky i fundit po akuzohet nga Ministri i Financave, Hekuran Murati, për fryrje të shifrave të shpronësimit në autostradën Pejë-Prishtinë.
Konjufca, e ka akuzuar për korrupsion kreun e AAK’së, duke thënë se ky i fundit mund të përfundojë në Prokurori,
“Z. Haradinaj personalisht i ka puntë shumë keq me korrupsionin. Në bazë të mandateve të kaluara, është shumë e mundshme me përfundu në Prokurori. Kështu që, z. Haradinaj është më e mundshme që të shpenzojë më shumë kohë me vetën, sesa që të merret me Qeverinë Kurti”, ka thënë ai.
“Dëgjoni vetëm shpjegimet dhe gjetjet që i ka bërë Ministri i Financave për pagesat astronomike, duke manipulu shifrat astronomike për shpronësim të tokave… Për korrupsionin nuk është kredibil as për me e zënë në gojë”, ka thënë tutje ai.
“Kur thotë Hekuran Murati 43 milionë euro, ai zakonisht folë me centa. E kur një njeri njihet kaq preciz e kaq i diciplinuar, unë mendoj që njeriu më i shqetësuar në shoqërinë tonë do duhej të ishte ai i qeverisjes së atëhershme, e jo Albin Kurti”, ka shtuar tutje kryekuvendari.
Ministri i Financave, Hekuran Murati, e ka akuzuar Qeverinë Haradinaj për fryrje të çmimeve në 600-fish më shumë në shpronësimin e tokave në autostradën Pejë-Prishtinë.
“Toka që AKM/AKP e kishte privatizuar për 6 euro/arin, në tabelat e vlerësimit të dorëzuara me 17 maj në MMPH, ishte vlerësuar me 3,700 euro/ari, pra rreth 600-fishi i çmimit të blerjes”, pati shkruar ministri Murati në ‘Facebook’.
“Pra nga 43 milionëshi i tërësishëm, një person i vetëm do të merrte 4.9 milionë euro, nëse keqpërdorimi do të shkonte deri në fund. Fatmirësisht, e stopuam me kohë”, pati shtuar tutje ai.
(Kosova Sot Online)
