Lexoni edhe:
Kurti: Thirrjet për ta shkarkuar ministrin Rakiq kanë për synim të krijojnë një konflikt brendaqeveritar
Nënkryetari i Listës Serbe si në ëndrra: Njësia Speciale po provokon, serbët po përmbahen!
Igor Simiq nga Lista Serbe ka vazhduar gjuhën viktimizuese për serbët, dhe indiferente ndaj sulmeve që këta të fundit bënë në veri.
Simiq ka thënë se forcat speciale në veri kanë provokuar disa herë situatën, ndonëse në terren gjendja është krejt ndryshe.
Madje ai tha se serbët nuk kanë rënë në provokimet e policisë.
“Ne kemi qenë këtu për ditën e gjashtë në veri të Kosovës për të shprehur mosmarrëveshjen tonë me vendimin e Prishtinës për t’i futur serbët në geto. Prishtina po përpiqet t’u mohojë serbëve të drejtat themelore të njeriut, të cilat janë të garantuara nga Bashkimi Evropian, të cilat janë e drejta për liri dhe lëvizje.
Megjithëse pati një seri incidentesh të provokuara nga njësitë speciale nga Prishtina, këta njerëz mbetën të përmbajtur, ata nuk hasën në provokime dhe kjo është e rëndësishme,” tha nënkryetari i Listës Serbe, Igor Simiq.
Madje ai u bëri thirrje serbëve që të mos bien pre e provokimeve, dhe se sipas tij është e qartë që kosovarët nuk e duan këtë.
(Kosova Sot Online)
