Lexoni edhe:
Von der Leyen në Ballkan nën hijen e konfliktit Kosovë-Serbi
Çifti drejt ndarjes, shkak bëhet vaksina kundër Covid-19
Debati për vaksinat anti-Covid ka shtyrë drejt divorcit një çift izraelit. Gruaja është e vetmja që punon për momentin, por ajo nuk mund të shkojë në punë pasi refuzon të vaksinohet. Çifti, i cili jeton në pjesën veriore të Izraelit janë të martuar prej më shumë se 25 vitesh. Por tani çështja e vaksinës kundër koronavirusit ka shkaktuar debate të shumta aq sa çifti kërkon të divorcohet.
Avokati që përfaqëson burrin tha se kjo dramë familjare është një dukuri e zakonshme. “Punëdhënësit e gruas kanë udhëzuar të gjithë ata që nuk janë vaksinuar kundër koronavirusit të vazhdojnë punën nga shtëpia, megjithatë, paga e saj është përgjysmuar ,” tha ai.
Ai shtoi se paga e gruas së tij nuk është e mjaftueshme dhe se është e vështirë të punosh kuzhinier për shkak të pandemisë. Sipas bashkëshortit është qesharake fakti që gruaja e tij nuk vaksinohet. Gruaja gjithashtu tha se nuk do të vaksinohej edhe nëse do të pushohej nga puna ose do të ndahej nga bashkëshorti.
Pas debateve për vaksinimin e gruas, ata kanë pasur konflikte të shumta dhe për vaksinimin e fëmijëve. Sipas avokatëve të të dyjave palëve, rruga më e mirë do të ishte ndarja.
(Kosova Sot Online)
