Ndahet nga jeta Colin Powell, ish sekretari i parë amerikan me ngjyrë

  • A.P /
  • 18 tetor 2021 - 14:29
Ndahet nga jeta Colin Powell, ish sekretari i parë amerikan me ngjyrë

Colin Powell, ish sekretari i parë amerikan me ngjyrë ka humbur jetën për shkak të Covid në moshën 84 vjeçare. Ai ndihmoi në formimin e politikës së jashtme amerikane në fund të shekullit të 20-të dhe në vitet e para të shekullit 21.

Powell ishte një ushtarak i shquar. Ai gjithashtu u bë këshilltari i parë me ngjyrë i sigurisë kombëtare gjatë përfundimit të presidencës së Ronald Reagan dhe kryetari i parë afro -amerikan i Shefave të Shtabit të Përbashkët nën udhëheqjen e George W Bush.

Popullariteti i tij kombëtar u rrit pas fitores së koalicionit të udhëhequr nga SHBA gjatë Luftës së Gjirit, dhe në mesin e viteve ’90, ai u konsiderua një nga pretendentët kryesorë për t’u bërë Presidenti i parë me ngjyrë i Shteteve të Bashkuara.

Colin L. Powell ka vizituar Tiranën në vitin 2003.  Powell u prit ne Aeroportin Ndërkombëtar të “Nënë Tereza” nga Fatos Nano. Ai zhvilloi takime me zyrtarët e lartë të Shtetit Shqiptar, si dhe nënshkroi një marrëveshje me Kryeministrin e atëhershëm.


(Kosova Sot Online)