“Ndalni muzikën”, persona të armatosur mësyjnë brenda dasmës

Persona të armatosur, të identifikuar si talebanë kanë mësyrë në një dasmë në Afganistan, duke kërkuar që të ndalohet muzika. Kur vunë re se urdhri i tyre s’po zbatohej, ata kanë hapur zjarr duke vrarë të paktën tre persona.

Sipas mediave të huaja zëdhënësi i qeverisë talebane, Zabihullah Mujahid tha të shtunën se dy nga tre sulmuesit ishin arrestuar dhe mohoi pretendimet se ata po vepronin në emër të lëvizjes islamike.

“Mbrëmë, në dasmën e Haji Malang Janit në fshatin Shamspur Mar Ghundi të Nangarharit, tre persona që u prezantuan si talebanë hynë në dasmë dhe kërkuan që muzika të ndalej. Si pasojë e të shtënave, të paktën tre persona janë vrarë dhe disa të tjerë janë plagosur. Dy të dyshuar janë marrë në paraburgim nga talebanët në lidhje me incidentin dhe njëri që u arratis është duke u kërkuar”, ka thënë zëdhënësi.

(Kosova Sot Online)