Katërfishohet numri i fëmijëve të infektuar me Covid

Janë katërfishuar rastet e fëmijëve të infektuar me Covid në New York, sipas një njoftimi të zyrtarëve shëndetësorë.

Ministria e Shëndetësisë njoftoi se në ditët e fundit ka pasur një rritje alarmante të shtrimeve në spitalet pediatrike të Nju Jorkut për shkak të Covid-19.

Rreth gjysma e tyre janë fëmijë nën moshën pesë vjeç.

Vlen të theksohet se numri i rasteve me Covid në SHBA gjithashtu ka shënuar rritje, me një mesatare prej gati 190,000 rastesh të reja në 24 orë gjatë shtatë ditëve të fundit, sipas të dhënave nga Universiteti Johns Hopkins.

Epidemiologu amerikan Anthony Fauci, pranoi se ka mungesë të testeve Covid në SHBA dhe premtoi se do të ketë më shumë teste të disponueshme muajin e ardhshëm. Lidhur me variantin “Omicron”, shkencëtari amerikan theksoi se është një variant shumë ngjitës dhe për ketë arsye duhet të merren masat e nevojshme.

(Kosova Sot Online)