Dyshohet se mbushi veturën private me naftë me para të shtetit, ndalohet u.d i Drejtorit të Spitalit të Ferizajt

  • E.K /
  • 14 January 2022 - 12:49
Dyshohet se mbushi veturën private me naftë me para të shtetit, ndalohet u.d i Drejtorit të Spitalit të Ferizajt

Prokuroria Themelore e Ferizajt ka njoftuar se e ka ndaluar për 48 orë ushtruesin e detyrës së Drejtorit të Spitalit të Përgjithshëm në Ferizaj, nën dyshimet për keqpërdorim të detyrës zyrtare.

Sipas Prokurorisë, ai dyshohet ka keqpërdorur detyrën e tij zyrtare, duke e furnizuar veturën e tij private me derivate të naftës në kuadër të tenderit të paraparë për Spitalin e Përgjithshëm në Ferizaj.

“… dyshohet se H.G., si Ushtrues i detyrës së Drejtorit të Spitalit të Përgjithshëm në Ferizaj, ka keqpërdorur detyrën e tij zyrtare, duke e furnizuar veturën e tij private me derivate të naftës në kuadër të tenderit të paraparë për Spitalin e Përgjithshëm në Ferizaj. Prokuroria Themelore në Ferizaj, brenda afatit ligjor, ndaj të njëjtit, do të vendos për procedurat e mëtejme hetimore”, thuhet në njoftim.

Njoftimi i plotë:

Ndalohet një person për keqpërdorim të pozitës apo autoritetit zyrtar

Ferizaj, 14 Janar 2022– Prokuroria Themelore në Ferizaj, Departamenti për Krime të Rënda, njofton opinionin publik se pas një hetimi një mujor nga ana e Prokurorisë, me vendim të Prokurorit të Shtetit, ka ndaluar të dyshuarin H.G., në kohëzgjatje prej 48 orësh, pasi dyshohet se i njëjti ka kryer veprën penale “Keqpërdorimi i pzoitës apo autoritetit zyrtar” nga neni 414 të Kodit Penal të Republikës së Kosovës (KPRK).

Sipas Prokurorisë, dyshohet se H.G., si Ushtrues i detyrës së Drejtorit të Spitalit të Përgjithshëm në Ferizaj, ka keqpërdorur detyrën e tij zyrtare, duke e furnizuar veturën e tij private me derivate të naftës në kuadër të tenderit të paraparë për Spitalin e Përgjithshëm në Ferizaj.

Prokuroria Themelore në Ferizaj, brenda afatit ligjor, ndaj të njëjtit, do të vendos për procedurat e mëtejme hetimore.  

(Kosova Sot Online)