Edhe pse në pikë të ditës, 111 poqa elektrikë ndriçuan sallën ku nga ZRRE raportuan për shtrenjtimin e rrymës
Kryesuesi i Bordit të Zyrës së Rregullatorit të Energjisë (ZRRE), Ymer FEjzullahu, ka raportuar në Komisionin e Kuvendit të Kosovës për Ekonomi, e gjersa po raportonte, 111 poqa elektrik qëndruan ndezur vazhdimisht.
Mbledhja u zhvillua në pikë të ditës. Edhe pse nga dritaret hynte dritë mjaftueshëm, zyra ku po zhvillohej mbledhja u ndriçua me 111 poqa elektrikë.
Fejzullahu u ftua nga deputetët të raportojë rreth zhvillimeve të fundit, pasi Kosova gjendet në krizë energjetike dhe rekomandimet e ZRRE-së drejt qeverisë janë që rryma të shtrenjtohet.
Fushata për kursimin e rrymës ka nisur që kur Kosova gjendet në krizë, megjithatë 111 poqa elektrikë ndriçuan në pikë të ditës gjatë gjithë kohës sa u mbajt mbledhja.
VIDEO
Ferat Shala pyeti se nëse raporti i ZRrE-së ishte i pavarur apo i ndikuar nga qeveria.
Por një gjë e tillë u mohua kategorikisht nga kryesuesi i bordit të ZRrE-së Ymer Fejzullahu.
Fjala e Zenjullahut, më tutje u fokusua te vendimi për shtrenjtim të energjisë elektike.
Këto ndryshime në çmim a vlejnë edhe për komunat veriore, u pyet shefi i ZRRE-së.
Ajo mori një përgjigje që me gjasë as atij që u përgjigj s’i pëlqeu.
Ndër pyetjet e shumta që Fejzullahu mori në këtë mbledhje ishte edhe ajo e deputetit Pal Lekaj se sa do të zgjasë tarifa nëse vetëm miratohet.
Pas tri orë raportimi, Komisioni liroi nga mbledhja bordin e ZRRE-së, duke lënë sallën në të njëjtën gjendje, me poçat ndezur.
(Kosova Sot Online)