Lexoni edhe:
14 vite në pavarësi, asnjë politikan nuk ka marrë verdikt të formës së prerë për krim ekonomik!
Pas granatimeve në Ukrainë, zëdhënësi i Putinit thotë se situata po përshkallëzohet
Dmitry Peskov, zëdhënësi i presidnetit rus Vladimir Putinit, ka thënë se situata po “përshkallëzohet” në rajonin e Donbasit dhe iu referua “potencialit të madh të goditjes së forcave ukrainase”, raporton The Guardian.
Ai ka folur në Moskë dhe komentet e tij janë përmbledhur në rrjetin social Twitter të radiostacionit të pavarur Echo Moskvi.
Peskov tha gjithashtu se Putini nuk i është përgjigjur ende Dumës ruse për njohjen e të ashtuquajturave “republika popullore” të Donetskut dhe Luhanskut, dy rajoneve separatiste në Ukrainën lindore. Të martën Duma i bëri thirrje presidentit rus që ta njohë pavarësinë e tyre. Një veprim i tillë do ta shkatërronte çdo shpresë për paqe nëpërmjet marrëveshjeve të Minskut, kanë thënë udhëheqësit perëndimorë.
Peskov akuzoi gjithashtu NATO-n për kryerjen e “agresionit të informacionit të pambuluar kundër Rusisë”.
Sekretari i Përgjithshëm i NATO-s, Jens Stoltenberg, tha këtë javë se Moska nuk i është përgjigjur ende propozimeve me shkrim të perëndimit për sigurinë, të cilat u dorëzuan muajin e kaluar në përgjigje të kërkesave të mëparshme të Kremlinit.
(Kosova Sot Online)
