Mijëra civilë të vrarë në Ukrainë, OKB jep shifrat e fundit

Të paktën 1563 civilë janë vrarë që nga fillimi i pushtimit rus në Ukrainë, sipas Zyrës së Komisionerit të Lartë të Kombeve të Bashkuara për të Drejtat e Njeriut (OHCHR).

Agjencia e OKB-së ka regjistruar 3776 civilë që pësuan nga agresioni rus në Ukrainë deri më tani: 1563 të vrarë dhe 2213 të plagosur, tha ajo në përditësimin e saj të fundit të publikuar të mërkurën.

OCHCR përsëriti besimin e saj se “shifrat aktuale janë dukshëm më të larta pasi marrja e informacionit nga disa lokacione po vazhdojnë luftime intensive është vonuar dhe shumë raporte janë ende në pritje të vërtetimit”.

Ai renditi Mariupolin dhe Volnovakhan (rajoni i Donetskut), Izium (rajoni Kharkiv), Popasna (rajoni i Luhansk) dhe Borodianka (rajoni i Kievit) si shembuj të vendeve ku ka pasur “pretendime për viktima të shumta civile”.

Të martën, zëdhënësja e OHCHR-së, Liz Throssell, tha se imazhet e shfaqura të trupave të civilëve të shpërndarë nëpër qytetin e Bucha japin shenjat që civilët “u shënjestruan drejtpërdrejt dhe u vranë drejtpërdrejt”.

(Kosova Sot Online)