Nuk është i mirëpritur në Ukrainë, presidenti gjerman shfaqet i tronditur para mediave

Shumë liderë botërorë kanë treguar solidaritet me Ukrainën, duke vizituar vendin në ditët e fundit.

Por, mes tyre nuk është i mirëpritur presidenti gjerman, Frank-Walter Steinmeier, i cili ka pasë lidhje më të ngushta me Rusinë në të kaluarën, e për të cilat e ka pranuar se ishte gabim. Megjithatë, pranimi i gabimit nuk e shfajësoi atë në sytë e ukrainasve, të cilët thanë se nuk e duan për vizitë në vendin e tyre, të paktën jo në këtë kohë.

Për këtë, ai në një konferencë për media shfaqi tronditje për këtë çështje, derisa ka njoftuar se kishte pasur në plan të udhëtonte me liderët e parë europianë që shkuan në Kiev.

“Isha gati për këtë, por si duket nuk ishte e mirëpritur në Kiev”, tha ai në një konferencë në Poloni.

(Kosova Sot Online)