Kurti tregon në Twitter për pakon e ndihmave: 100 milionë euro për 800 mijë veta

Kryeministri i Kosovës, Albin Kurti, ka bërë një postim për audiencën ndërkombëtare në rrjetin social Twitter për Pakon e mbështetjes financiare me vlerë prej 100 milionë euro të qeverisë Kurti.

Kurti poston në Twitter sa herë që e sheh të rëndësishme t’u tregojë diçka ndërkombëtarëve.

 Kësaj radhe ai u “mburr” për ndarjen e 100 eurove për pensionistët, studentët dhe punëtorët si dhe për mbështetjen financiare ndaj familjeve në nevojë.

“Për të lehtësuar ndikimin e rritjes së çmimeve globale në ekonominë tonë dhe qytetarët tanë, ne po përgjigjemi me një paketë ndihme prej 100 milionë eurosh për pensionistët, punonjësit e sektorit publik dhe privat, studentët dhe familjet në nevojë – që arrin në 800,000 përfitues”, shkroi ai.

Postimit të tij, Kurti ia bashkëngjiti edhe foton e plotë të ndihmave.

(Kosova Sot Online)