Lexoni edhe:
Kosova nuk ka më kohë për të humbur, aplikim i menjëhershëm për anëtarësim në Këshillin e Evropës dhe NATO
Përplasje për “kulturën e rrugës”, Krasniqi i quan “azilantë” ata që shkuan në LVV, i reagon ish-bashkëpartiaku
Kryetari i PDK-së, Memli Krasniqi ka folur për “azilantët” e LVV-së, duke iu referuar zyrtarëve të partive tjera që më pas i janë bashkuar partisë në pushtet. Kjo deklaratë e Krasniqit e ka prekur edhe ish-bashkëpartiakun e tij, tash deputetin e LVV-së, Mirsad Shkretën.
Shkreta fillimisht iu drejtua shefit të deputetëve të PDK-së, Abelard Tahiri i cili i shau deputetët e pozitës.
“Robtë e tu munden me qenë më të ofenduar sesa robtë e tanë për atë që e the më herët. Kryetari yt në vend që të merrej me gjuhën që e përdore ti, do të na mësojë gjuhën tonë se si të sillemi e si të flasim në parlament”, tha ai.
Duke thënë se “kjo flet për hipokrizinë e opozitës”, Shkreta më pas iu drejtua Krasniqit, duke i thënë se “shembullin e rrugës në politikë e keni ju”.
“Z. kryetar i PDK-së, ne mund të kemi qenë në rrugtimin tonë bashkë në faza të ndryshme, por ne nuk vijmë nga rruga, ne vijmë nga profesionet tona. Shembullin e rrugës në politikë e keni ju. Ne kemi ardhë nga profesionet tona fisnike në politikë me dhënë kontributin tonë, siç po e bëjmë edhe sot”, tha ai.
Në replikë, kryetari i PDK-së tha se ia di emrin Shkretës dhe se s’ia përmendi me qëllim për “me e kursy sepse kemi qenë bashkëpartiakë”.
Krasniqi përmendi grupin Ritmi i Rrugës, duke thënë se ndjehet krenar për kohën sa ishte reper.
“Kulturën e rrugës e ke gjetë në këtë partinë që ke shku, se kjo është ajo parti që në rrugët e Prishtinës i kanë kallë institucionet. Nëse po aludon në Ritmin e Rrugës të cilin e ke ngu kur je rritë, ajo është një prej seneve më krenare të cilat i kam bë unë sepse ma merr mendja që atëherë e kam ngritë zërin kur shumë si ti s’e kanë ngritë”, tha ai.
Kështu, kreu i PDK-së tha se Shkreta “po e ofendon edhe Adriana Matoshin”.
“Këto janë ikje. Mos e fsheh krimin. Mos u bë o Mirsad pjesë e fshehjes së krimit potencial. Aman”, tha Krasniqi.
(Kosova Sot Online)
