'U bane bashkë me babën o vëlla, na le vet', fjalët prekëse të vëllait të 23-vjeçarit që u vra në Klinë

Arton Hoxhaj, vëllai i 23-vjeçarit që u vra të enjten në mbrëmje në Klinë ka shkruar disa fjalë prekëse për të.

Hoxhaj përmes një shkrimi në rrjetin social Facebook, ka thënë se vëllai u bë bashkë me babin dhe na la vet.

“U bane bashkë me babën o vlla na le vet”, thuhet në postimin prekët të tij.

23-vjeçari u vra dje në Klinë, pranë një restoranti, ku, sipas mediave, kishte ngrënë iftar me familjen e tij.

F.H, kishte lindur në vitin 1999, pak muaj pasi babai iu vra nga forcat serbe dhe u pagëzua me emrin e të atit.

Ai nuk arriti t’i shpëtojë plagëve dhe sapo u dërgua në spital, mjeku njoftoi se kishte vdekur. Ndërsa dje është bërë varrimi i tij, ku morën pjesë me mijëra qytetarë.

1 / 1

(Kosova Sot Online)