Krasniqi: Qytetarët do të paguajnë faturat me tarifat e vjetra, e ndaluam haraqin e pushtetit

  • E.K /
  • 19 May 2022 - 10:30
Krasniqi: Qytetarët do të paguajnë faturat me tarifat e vjetra, e ndaluam haraqin e pushtetit

Kreu i Partisë Demokratike të Kosovës, Memli Krasniqi, ka mbajtur konferencë për media, një ditë pasi Gjykata e Apelit vërtetoi aktvendimin e Gjykatës Themelore të Prishtinës për tarifat e shtrenjta të energjisë.

Krasniqi ka thënë se pas vendimit të Apelit, qytetarët do të paguajnë faturat me tarifat e vjetra.

“Jam shumë i lumtur që ky vendim i padrejtë dhe i dëmshëm i qeverisë dhe ZRRE’së, është vërtetuar nga Apeli se është i paligjshëm. Falë punës dhe angazhimit të këtij ekipi, tashmë saga për tarifat e reja ka përfunduar dhe ky vendim i padrejtë ndaj qyetatarëve ka marrë fund. Na vjen mirë që kemi arritur të lehtësojmë barrën financiare për 450 mijë familje kosovare që ishin dëmtuar nga rritja e tarifave të energjisë. Tash e tutje qytetarët do të paguajnë faturat me tarifat e vjetra, ashtu siç ka qenë para se qeveria e ZRRE të impononte tarifat e shtrenjta”, ka thënë Krasniqi.

Ai ka falenderuar të gjithë qytetarët për mbështetjen për ta “ndaluar këtë haraq të padrejtë të pushtetit për ta”.

(Kosova Sot Online)