Lexoni edhe:
Diplomacia amerikane dhe ajo gjermane në provim të madh
Ramadani: Lia e Majmunëve është sëmundje e lehtë
Kreu i IKSHPK-së, Naser Ramadani, informon qytetarët se Lia e Majmunëve është sëmundje e lehtë dhe e njëjta nuk ka arritur akoma në Kosovë.
Ai tha se IKSHPK ka përpiluar dokumentin e parë me rekomandime sa i përket sëmundjes së Lisë së Majmunëve, i cili është shpërndarë në të gjitha institucionet shëndetësore.
“Duke pasur parasysh se kjo sëmundje e ka djepin në Afrikë, dalja e sëmundjes në kontinentet e tjera paraqet sfidë…Deri më tani paraqitet rrezikshmëri tejet e ulët e sëmundjes. Nuk është raportuar asnjë rast i dyshimtë në Kosovë me Linë e Majmunëve”, tha Ramadani në një konferencë për media.
Ai tha se vaksina ende nuk është e disponueshme, por ripërsëriti se Lia e Majmunëve është sëmundje e lehtë.
Ai tha se Lia e Majmunëve transmetohet te njerëzit përmes kontaktit të ngushtë, kontaktit me kafshën etj.
Në këtë konference u tha se në IKSHPK kanë filluar përgatitjet për porositjen e testeve diagnostikuese për këtë sëmundje.
(Kosova Sot Online)
