Kongresmeni Torres reagon për marrëveshjen Vuçiq-Putin për furnizimin me gaz

Kongresmeni amerikan, Ritchie Torres, ka reaguar pas marrëveshjes së Serbisë me Rusinë për furnizim me gaz për tre vjetët e ardhshme.

Torres ka thënë se Serbia është përfaqësuese e Rusisë ndërsa Kosova është mike e palëkundur e ShBA-së.

“Kujtojmë se Serbia është një përfaqësuese e Rusisë, ndërsa Kosova është një mike e palëkundur e Shteteve të Bashkuara. Ne në SHBA nuk duhet të harrojmë kurrë se cilët janë miqtë tanë të vërtetë”, ka shkruar ai.

Lexoni edhe:

'Kujdes gjatë vrapimit' – Prishtinasit i del gjarpëri në Gërmi

Të dielën, presidenti Vuciq njoftoi se ka nënshkruar marrëveshje me Rusinë për furnizim me gaz.

Ndaj kësaj marrëveshje kanë reaguar kryeministri Albin Kurti dhe presidentja Vjosa Osmani.

“Ata as nuk kanë nevojë të takohen më: marrëveshjet midis Putin dhe Vuçiq tani arrihen përmes bisedave telefonike. Por ja çfarë tha Vuçiq në lidhje me Kosovën pas takimit të tij të 19-të me Putin në Sochi më 25 nëntor 2021”, ka shkruar Kurti.

Ndërkaq shefja e shtetit ka thënë se Serbia po bënë lidhje ekonomike me Putinin në kohën e pushtimit të Ukrainës.

“Vendimi i qëllimshëm i Vuçiqit për të marrë anën e Rusisë është një goditje për perspektivat e Serbisë për të ecur në rrugën e BE-së. Ai ka zgjedhur të bashkohet me një kriminel lufte dhe të financojë luftën e Putinit, mbi një Evropë të bashkuar, paqësore dhe të begatë. BE nuk mund të injorojë më rrugën shkatërruese që ka marrë”, ka shkruar Osmani

We are reminded that Serbia is a proxy for Russia, whereas Kosovo is an unfailing friend of the United States.

We in the US should never forget who our true friends are. https://t.co/tC5iq9H85t

— Ritchie Torres (@RitchieTorres) May 31, 2022

(Kosova Sot Online)