Lexoni edhe:
Kuvendi i Shqipërisë nuk guxon të dështon për interesin kombëtar, ta nxjerrë pa vonesë rezolutën mbi gjenocidin e Serbisë në Kosovë!
Pas disa orësh qëndrimi, është larguar ekipi i Mjekësisë Ligjore nga vendi ku u gjet i vdekur Nazmi Grabovci, në lagjen “Emshir” të Prishtinës.
I ndjeri u gjet i vdekur në veturë në një parking nëntokësor.
Policia ka konfirmuar nisjen e hetimeve rreth vdekjes së tij, ndonëse sipas PK-së bëhet fjalë për vetëvrasje.
Sipas zëdhënësit të policisë për Rajonin e Prishtinës, Agron Borovci, në këtë rast ka elemente që sugjerojnë për vetëvrasje, mirëpo policia në koordinim me prokurorin e shtetit ka nisur një hetim mbi vdekjen.
“Rreth orës 12:00, kemi pranuar informatën për një trup të pa jetë, në një veturë në lagjen “Emshir” në Prishtinë. Policia menjëherë ka dalë në vendin e ngjarjes si dhe mjekët emergjent të cilët kanë konstatuar vdekjen e viktimës, mashkull, rreth 50 vjeç. Mbështetur në informacionet e para, përkundër që ka elemente që sugjerojnë për vetëvrasje, policia në koordinim me prokurorin e shtetit ka nisur një hetim mbi vdekjen dhe po vijon me ndërmarrjen e të gjitha veprimeve hetimore dhe të ekzaminimit, që do të ndihmonin hetimin e ngjarjes si dhe sqarimin e plotë të rastit”, tha Borovci
(Kosova Sot Online)