Shkarkime rrufesh e riga shiu, moti për sot dhe nesër

E.K /
17 June 2022 - 08:12

Instituti Hidrometeorologjik ka njoftuar për motin që pritet të mbajë sot dhe nesër në vend.

Sot pritet të mbajë mot me diell dhe vransira, që gjatë ditës pritrt të shoqërohen me riga shiu e shkarkime rrufesh.

Lexoni edhe:

Kërkohet ndryshim urgjent i ligjit për hetim dhe verifikim të prejardhje së pasurisë, mjaft me mashtrim dhe improvizim!

Ndërkohë, të shtunën pritet të mbajë mot i qëndrueshëm dhe me intervale të gjata me diell.

Temperaturat minimale do të lëvizin ndërmjet 9-13 gradë Celsius, ndërsa maksimalet e ditës parashihen të lëvizin ndërmjet 23-29 gradë Celsius. Indeksi UV mbetet i lartë.

“Të premten do të mbajë mot me diell dhe vranësira konvektive të cilat gjatë ditës parashihen të shoqërohen me riga shiu dhe shkarkime rrufesh. Reshje të intensitetit mesatar parashihen të shtrihen për gjatë relievit malor, kryesisht në perëndim dhe jugperëndim të vendit, deri sa në viset me lartësi të ulëta dhe mesatare do të ketë më pak reshje. Temperaturat minimale do të lëvizin ndërmjet 9-13 gradë Celsius, ndërsa maksimalet e ditës parashihen të lëvizin ndërmjet 23-29 gradë Celsius. Indeksi UV mbetet i lartë. Do të fryjë erë nga drejtimi i lindjes dhe verilindjes me shpejtësi 1-5m/s. Gjatë vikendit parashihet të mbajë moti i qëndrueshëm dhe me intervale të gjata me diell”, thuhet në njoftimin e Instituti.