Komuna e Prishtinës nis ndriçimin e të gjitha shkollave të kryeqytetit
Drejtoresha e Arsimit në Komunën e Prishtinës, Besianë Musmurati, ka treguar se kanë nisur projektin për ndriçimin e të gjitha shkollave të qytetit.
Musmurati ka treguar se ndriçimi ka qenë rekomandimi i parë i policisë, në planin e veprimit për rritjen e sigurisë.
“Rekomandimi i parë nga Policia e Kosovës ishte të investojmë në ndriçimin e këndeve të errëta në shkolla që rrisin rrezikshmërinë për fëmijët. Fotot më poshtë janë nga ndriçimi i shkollës “Hilmi Rakovica” në Kodrën e Trimave ”, ka shkruar Musmurati.
“Nuk kemi me u ndalë deri në rregullimin e plotë të ndriçimit në të gjitha shkollat dhe çerdhet e Prishtinës. Jo terr, veç dritë gjithandej!”, ka përfunduar ajo.
Postimi i plotë:
Folëm për siguri në shkolla, tash po i bëjmë punët!
Rekomandimi i parë nga Policia e Kosovës ishte të investojmë në ndriçimin e këndeve të errëta në shkolla që rrisin rrezikshmërinë për fëmijët. Fotot më poshtë janë nga ndriçimi i shkollës “Hilmi Rakovica” në Kodrën e Trimave . Nuk kemi me u ndalë deri në rregullimin e plotë të ndriçimit në të gjitha shkollat dhe çerdhet e Prishtinës. Jo terr, veç dritë gjithandej!
(Kosova Sot Online)
