Ky plumb qorr rrezikoi fëmijët e një familjeje diku në Kosovë
Një përdorues i facebookut, ka raportuar për një incident i cili sipas tij, do mund të ndodhte me fatalitet, si pasojë e festimeve me armë zjarri.
Siç shkruan ai, diku në Kosovë, fëmijët e një familjeje, qenë të rrezikuar nga një plumb qorr, shkrepur nga fqinjtë gjatë një ahengu.
“Fëmijët e mi kanë qenë duke luajtur në oborr, pesë metra më larg ka qenë fëmija im nga ky vend ku ka rënë ky plumb. Festo me zemër dhe jo me armë”, thuhet në një postim të faqes Akademia Thaibox-Kickbox Mitrovica.
Tutje siç thekson përdoruesi me llogarinë e facebookut, Akademia Thaibox- Kickbox Mitrovica, një raportim të tillë publik e bëri për t’i vetedijësuar të tjerët që të mos përdorin armën.
(Kosova Sot Online)
