Lexoni edhe:
Trajkoviq kërkon që serbët me pasaportat e Serbisë të mund të udhëtojnë pa viza
Kurti do t’i presë në zyrën e tij Krasniqin, Abdixhikun e Haradinajn, këta s’dihet a do t’i shkojnë
Kryeministri Albin Kurti i ka ftuar ‘online’ dhe fizikisht për takim, kryetarin e PDK-së, Memli Krasniqin, kryetarin e LDK-së, Lumir Abdixhiku dhe kryetarin e AAK-së, Ramush Haradinajn. Kurti do t’i presë tre liderët opozitarë të martën në zyrën e tij në Qeveri.
Në një mbledhje të partisë të dielën, Kurti tregoi se i ka thirrur liderët opozitarë për takim.
“Ne jemi për dialog me parime dhe për proces transparent prandaj edhe sot i dërgoj ftesë tre krerëve opozitar për t’i informuar e për të diskutuar për takimin e fundit që kemi pasur në Bruksel dhe sfidat që i ka shteti ynë përpara”, tha Kurti dje.
Zëdhënësi i Qeverisë, Përparim Kryeziu, i tha Expressit se ftesat iu dërguan atyre në mënyrë elektronike dje, ndërsa sot tha se do t’ua dërgojnë edhe fizikisht.
“Dje u janë dërguar ftesat në formë elektronike, kurse sot fizikisht. Ftesa për takim është për ditën e nesërme, pra të martën”, tha Kryeziu. Nga partitë opozitare ende nuk i janë përgjigjur nëse do të marrin pjesë në takim.
(Kosova Sot Online )
