Lexoni edhe:
Demolli: 11-14 vjeçaret dhunohen më së shumti në Kosovë, në parqe, në parkignje, në sheshe…
Babai vret me armë ish-të dashurin e të bijës pasi ai tentoi të hyjë me dhunë në banesën e tyre
Tenton të hyjë me forcë në banesën e ish të dashurës, vritet nga babai i saj i riu.
Kamerat e sigurisë kanë treguar momentin kur një 22-vjeçari në Ohajo të Shteteve të Bashkuara u qëllua për vdekje ndërsa tenton të hyjë me dhunë në shtëpinë e ish të dashurës.
Është babai i vajzës ai që vret me tre të shtëna pushke të riun Xhejms Rejëll, kur ky i fundit hap derën e drunjtë të shtëpisë së ish të dashurës pasi e godet disa herë me trup. Pas të shtënave, i riu përpiqet të largohet por bie në tokë vetëm pak metra larg derës. Rejëll humbi jetën nga të shtënat në shpatull dhe kurriz.
Mediat amerikane bëjnë të ditur se i ati i vajzës e paralajmëroi të riun të mos hynte brenda pasi ishte i armatosur.
Ky fakt mund ta shpëtojë atë nga dënimi, pasi rasti mund të konsiderohet dhunim prone dhe të shtënat për vetëmbrojtje.
Ngjarja ndodhi më 31 Korrik, por publikimi i pamjeve të vrasjes këtë të martë, bëri që lajmi të bëjë xhiron e mediave botërore.
(Kosova Sot Online)
