Lexoni edhe:
Dalin detaje se çka u diskutua në takimin Albin Kurti - Josep Borell në Paris
Vazhdon agjenda e Kryeministrit Kurti në Paris, ja për çka folën në takim me Lajçakun
Kryeministri i Kosovës, Albin Kurti, derisa po merr pjesë në Forumin e Paqes në Paris, sot është takuar me përfaqësuesin e Lartë të BE-së për Punë të Jashtme dhe Politikë të Sigurisë, Josep Borrell dhe me përfaqësuesin e posaçëm të Bashkimit Evropian për Dialogun Kosovë – Serbi, Miroslav Lajçak.
Sipas njoftimi të Qeverisë, dialogu Kosovë-Serbi, zbatimi i vendimit për targat ilegale, zhvillimet e fundit në Kosovë, dhe çështje tjera aktuale ishin temat qendrore të takimit.
“Kryeministri Kurti theksoi elementet e kornizës së marrëveshjes për normalizimin e plotë të raporteve me njohjen reciproke në qendër, ndërsa tha se propozimi franko-gjerman, që ka mbështetjen e Shteteve të Bashkuara të Amerikës dhe Bashkimit Evropian, i prezantuar nga emisarët Jens Plötner dhe Emmanuel Bonne, shërben si bazë e mirë për diskutime të mëtejshme”, thuhet në komunikatë.
(Kosova Sot Online )
