Peter Stano: Takimet e nivelit të lartë nëse pajtohen Bislimi e Petkoviq

Zëdhënësi i BE-së, Peter Stano në një konferencë për media sot ka folur për takimin që do të mbahet në Bruksel në mes të kryenegociatorëve, Besnik Bislimi dhe Petar Petkoviq.

Ndërkohë, Stano e ka komentuar edhe takimin së të hënës në Bruksel, ku ka thënë se fatkeqësisht ai takim nuk ka sjellur një rezultat, përcjell "Kosova Sot Online".

“Ne këtë moment mund të konfirmoj që i kemi ftuar dy palët, dhe kemi marrë konfirmimin që do të vijnë dhe do të kemi një takim sot në Bruksel.Qëllimi është si gjithmonë të gjendet një zgjidhje në frymën evropiane për situatën aktuale”, ka thënë Stano.

‘Ju e dini që takimet e kryenegociatorëve zakonisht pasohen nga takimet e nivelit të lartë kur kryenegociatorët janë të gatshëm të pajtohen. Ne kemi parë dialogun e të hënës me liderët e dy palëve, fatkeqësisht ai takim nuk solli asnjë rezultat”, ka thënë Stano. 

(Kosova Sot Online)