"Oficerët Doganor kanë mbetur të bllokuar në Jarinje"

Sindikata e Pavarur e Doganës së Kosovës, ka treguar se doganierët në pikën kufitare në Jarinjë janë në krye të detyrës zyrtare pa pasur mundësi të kryhen ndërrimet me oficerët tjerë doganorë, që nga e shtuna, raporton "Kosova Sot Online".

Sindikata përgëzon doganierët e policët për guximin dhe përkushtimin e tyre drejt shtrirjes dhe sundimit të ligjit në tërë territorin e e Kosovës.

“Sindikata e Pavarur e Doganës së Kosovës si zë i fuqishëm i anëtarësisë së saj bashkëndjen punën me doganierët e sistemuar në PKK Jarinjë. Sindikata njëherit i përgëzon institucionet e Republikës së Kosovës e në veçanti doganierët e policët për vendosmërinë, guximin dhe përkushtimin e tyre drejt shtrirjes dhe sundimit të ligjit në tërë territorin e Republikës së Kosovës“, thuhet në njoftim.

“Oficerët Doganor që nga e shtuna janë në kryerje të detyrës zyrtare, duke mos pasur mundësi të kryhen ndërrimet me oficeret tjerë doganor, për arsye të bllokimit të rrugëve në këtë pjesë Republikës së Kosovës”, thekson njoftimi.

“Sindikata e Pavarur e Doganës së Kosovës uron që doganierët, policët dhe të gjithë qytetarët e Republikës së Kosovës prezent në atë pjesë që të mos kenë pasoja, njëherit fton institucionet kompetente që të kujdesen për sigurinë, kushtet e punës dhe shëndetin e doganierëve, policëve dhe qytetareve atje”, thuhet  më tej në njoftim.

(Kosova Sot Online)