Kurti: Vuçiq dëshiron ta kthejë Serbinë në të kaluarën

Për situatën e krijuar në Veri, kryeministri i Kosovës, Albin Kurti, në një intervistë për Der Spiegel, transmeton gazeta “Kosova Sot Online".

Ai tha se situata e tensionuar në veri është për shkak të “panikës së Beogradit”.

Kurti deklaroi se Bashkimi Evropian dhe Shtetet e Bashkuara të Amerikës po i bëjnë presion Serbisë që të zgjedhë mes “Perëndimit dhe Rusisë”.

“BE dhe SHBA po i bëjnë presion të madh Serbisë të zgjedhë mes Perëndimit demokratik dhe Rusisë”, tha Kurti.

“Duket se Vuçiqi dëshiron ta kthejë Serbinë në të kaluarën. Por, ky tren është larguar. Gjykata Ndërkombëtare e Drejtësisë ka vendosur në favor të deklaratës sonë të pavarësisë. Nuk ka gjykatë më të lartë në këtë planet”, është shprehur Kurti.

(Kosova Sot Online)