Rasti i foshnjës në Pejë, Ministria e Shëndetësisë shkarkon kryeinspektorin e Inspektoriatit

Dje është raportuar për një rast që ka ndodhur në Spitalin e Pejës, ku një foshnjë e vdekur është futur në lavatriçe e mbështjellë me çarçafë, përcjell "Kosova Sot Online".

Lidhur me këtë rast ka reaguar edhe Ministria e Shëndetësisë, e cila ka thënë se shpreh keqardhje për familjarët dhe të afërmit lidhur me këtë ngjarje  të rëndë.

Ministria e Shëndetësisë ka treguar se  ka shkarkuar nga detyra u.d të kryeinspektorit të Inspektoratit Shëndetësor, Shaban Osmanaj,

Njoftimi i plotë i MSh-së:

Sot pas shqyrtimit të të gjitha të dhënave dhe detajeve të rastit të rëndë të ndodhur në Spitalin e Përgjithshëm të Pejës është liruar nga detyra u. d. kryeinspektorit të Inspektoratit Shëndetësor, z. Shaban Osmanaj.

Në këtë rast ka dështuar zbatimi i detyrave dhe misionit. Konkretisht ka munguar komunikimi, informimi i drejtë dhe mbi të gjitha adresimi në kohë i rastit nga ana e Inspektoriatit Shëndetësor.

Duke shprehur sinqerisht keqardhjen më të thellë për familjarët dhe të afërmit që janë ballafaquar me këtë ngjarje tepër të rëndë, ripërsërisim se etika dhe mbrojtja e dinjitetit njerëzor për pacientët e qytetarët në përgjithësi duhet të garandatohet në çdo rrethanë nga institucionet shëndetësore. Kush nuk mbërrin ta përmbushë këtë, nuk mund të vijojë të mbajë pozita menaxheriale.

Në të njejtën kohë shprehim mbështetjen për Prokurorinë e Policinë që sa më parë që është e mundshme të ndërmarrin veprimet e duhura drejt zbardhjes së plotë të ngjarjes dhe adresimin e personave përgjegjës konkretë të veshur me këtë përgjegjësi.

Ndërsa u. d. Ministrja e Shëndetësisë ka marrë të gjitha hapat për përgjegjësitë administrative dhe çështja po vijon të trajtohet deri në sqarimin përfundimtar.

(Kosova Sot Online)