Ja ku i ktheu Serbia topat që i çoi afër Jarinjës

Sot forcat ushtarake serbe në Rashkë, i kanë vizituar ministri serb i Mbrojtjes, Millosh Vuçeviq si dhe komandanti i përgjithshëm i Ushtrisë Serbe, Milan Mosjiloviq, transmeton gazeta “Kosova Sot Online”.

Me këtë rast, pas vizitës dhe fotografive, gjashtë topat me rreze të gjatë veprimi, që ishin vendosur aty paraprakisht, janë kthyer në uzinë, raportojnë mediat serbe.

Sipas njoftimit, gjatë turit, ministri ka folur me ushtarët, të cilët po kryejnë detyra në atë pjesë.

Sot u raportua se afër pikëkalimit kufitar mes Kosovës dhe Serbisë në Jarinjë, Serbia kishte sjellë automjete të rënda ushtarake.

Televizioni N1, që shërben si filial i CNN-it raportoi se gjashtë topa me rreze të gjatë veprimi të ushtrisë serbe dhe një numër i caktuar i policisë ushtarake janë pozicionuar dy kilometra afër Jarinjës. 

(Kosova Sot Online)