NATO po vëzhgon situatën në veri, e gatshme të ndërhyjë nëse është e nevojshme

  • A.P /
  • 29 December 2022 - 18:56
NATO po vëzhgon situatën në veri, e gatshme të ndërhyjë nëse është e nevojshme

De-eskalimin e situatës së tensionuar në veri të Kosovës, e ka mirëpritur zëdhënësja e NATO-s, Oana Lungesco, transmeton gazeta “Kosova Sot Online”.


Sipas saj NATO është e gatshme të ndërhyjë nëse cenohet liria e lëvizjes në Kosovë.

Ajo ka kërkuar që tani palët t’u përmbahen detyrave të tyre.

“NATO mirëpret përpjekjet për de-eskalimin e tensioneve në veri të Kosovës. Ne presim që të gjitha palet t’u përmbahen detyrave të tyre”, ka shkruar ajo në Twitter.

Ajo ka deklaruar se NATO dhe KFOR po e vëzhgojnë me kujdes situatën, duke treguar gatishmëri për të ndërhyrë që ta garantojë lirinë e lëvizjes.


“NATO KFOR, po vëzhgon nga afër dhe është i gatshëm që të ndërhyjë nëse është e nevojshme, në përputhje me mandatin nga OKB për ta garantuar lirinë e lëvizjes”, ka shkruar ajo.

Pas lirimit të serbëve të arrestuar nga Policia e Kosovës gjatë ditës së djeshme, sot ka nisur heqja e barrikadave në veriun e vendit, të cilat kishin pamundësuar lirinë e lëvizjes.

(Kosova Sot Online)