Lexoni edhe:
Dy të vdekur në dy aksidente! Ngjarjet ndodhën brenda një ore
Analisti serb Ivan Vojvoda për raportet Kosovë Serbi: Serbëve status si Irlanda e Veriut, Ishujve Faroe, Baskia ose Tiroli i Jugut
Derisa Uashingtoni, Berlini e Parisi po e shtyjnë përpara një marrëveshje Kosovë -Serbi që ka për qëllim normalizimin e marrëdhënieve mes dy vendeve (në këtë fazë pa njohje reciproke), gjithnjë e më shumë po disktutohet se cfarë do të përfitojnë serbët e Kosovës, shkruan "Kosova Sot Online".
Emisarët perëndimorë janë duke shtyrë përpara formimin e Asociacionit, për cka Kosova e Serbia në dekadën e kaluar kanë nënshkruar dy herë, por ata po përmendin edhe të “drejtat kolektive të serbëve” të bazuara në modele europiane, por sic thonë në përputhje me Kushtetutën e Kosovës.
Ivan Vojvoda, analist serb dhe Drejtues i Programit e së Ardhmes së Evropës të Institutit për Shkenca Humane në Vjenë thotë se në bisedimet që janë duke u zhvilluar mbi planin franko gjerman nuk do të ketë asnjë fitues.
Në një bisedë me gazetarin Tim Judah thotë se të gjithë do të humbasin diçka.
“ Ose më mirë, askush nuk do të marrë gjithçka që dëshiron. Por kjo është pikërisht ajo që është kompromisi; të arrihet një situatë për të ecur përpara” ka thënë Vejvoda.
“Më pas ai vazhdoi të renditte shembuj nga Irlanda e Veriut në Ishujt Faroe, nga Baskia deri në Tirolin e Jugut, ku janë siguruar të gjitha mënyrat e zgjidhjeve të zbatueshme për të drejtat e pakicave” shkruan Judan për bisedën me Vojvodën.
(Kosova Sot Online )
