Kërkohet paraburgim ndaj 15 të dyshuarve për fajde nga Ferizaji

Caktimin e masës së paraburgimit në afat prej 30 ditësh ndaj pesëmbëdhjetë të dyshuarve për veprat penale: fajde, shmangie nga tatimi dhe detyrim, Prokuroria Themelore në Ferizaj, ka njoftuar se ka kërkuar nga Gjykata Themelore në Ferizaj, transmeton gazeta “Kosova Sot Online”.

Masa e parabugimit është kërkuar ndaj të andehurve me inicialet: B.S., F.S., E.S., A.S., L.H., Sh.R., R.A.,M.A., K.G., S.B., A.M.,B.A.,B.O., N.A., dhe Sh.H., të cilët me vendim të Prokurorit të Shtetit gjenden nën masën e ndalimit 48 orësh për shkak të dyshimit të veprave penale “Fajdeja”, “Shmangia nga tatimi” dhe “Detyrimi”.

Në këtë aksion të Prokurorisë, gjatë kontrollit në objektet e kontrolluara janë gjetur dhe sekuestruar: para, vetura, armë dhe dokumente të ndryshme. 

(Kosova Sot Online)