Publikohet agjenda e takimit të 18 marsit në Ohër

  • A.P /
  • 09 March 2023 - 17:14
Publikohet agjenda e takimit të 18 marsit në Ohër

Agjendën e takimeve të 18 marsit që do të mbahen në Ohër të Maqedonisë së Veriut, e ka bërë të ditur zyra e Bashkimit Evropian, transmeton gazeta "Kosova Sot Online".

Atje do të jetë i pranishëm Përfaqësuesi i Lartë i BE-së, Josep Borell bashkë me emisarin e BE-së për dialogun, Miroslav Lajcak.

Gjithashtu dhe kryeministri i Kosovës, Albin Kurti dhe presidenti serb, Aleksander Vucic të cilët e kanë konfirmuar pjesëmarrjen.

Borell dhe Lajcak fillimisht do të mbajnë takime të ndara me Kurtin dhe Vuçiqin e që më pas do të pasohet me një takim të nivelit të lartë trepalësh.

Siç ka njoftuar zyra e BE-së, takimi do të fokusohet në finalizimin e Aneksit të Implementimit të Marrëveshjes që çon në rrugën drejt normalizimit të raporteve në mes të Kosovës dhe Serbisë.

Ky takim në Ohër vjen pas atij në Bruksel ku dy shtetet janë pajtuar për planin franko-gjerman.

(Kosova Sot Online)

lajme dieta pa karbohidrate gazetat ditore gazetat e kosoves Kosova Sot Bota Ngjarje Aktualitet perputhen Big Brother Albania Vip muzike big brother Bashkimit Evropian