BE për takimin në Ohër: Takimi do të fokusohet në finalizimin e Aneksit të Zbatimit të planit franko-gjerman
Kryeministri i Kosovës, Albin Kurti dhe presidenti i Serbisë, Aleksander Vuciq, do të takohen nesër në Ohër, përcjell “Kosova Sot Online”.
Bashkimi Evropian ka njoftuar se në këtë takim do të diskutohet në finalizimin e Aneksit të Implementimit të propozimit evropian, për normalizimin e marrëdhënieve ndërmjet Kosovës dhe Serbisë.
“Takimi do të fokusohet në finalizimin e Aneksit Zbatues të Marrëveshjes së BE-së për rrugën drejt normalizimit të marrëdhënieve ndërmjet Kosovës dhe Serbisë”, thuhet në njoftimin e Zyrës për Politikë të Jashtme të BE-së, raporton Express.
Takimi që do të mbahet nesër në Ohër do të fillojë në ora 10:00.
(Kosova Sot Online)