Lexoni edhe:
Diplomati gjerman Mihaell Shtajner avokat i Kosovës për krimet e luftës
Shpëtohen rreth 600 emigrantë të rrezikuar nga fundosja në një varkë peshkimi në Sicili
Rreth 600 emigrantë janë shpëtuar mëngjesin e kësaj të hënë nga rojet bregdetare italiane. Mediat vendase shkruajnë se emigrantët ishin në rrezik në një varkë peshkimi pranë Siçilisë, transmeton "Kosova Sot Online".
Më shumë se njëqind prej të shpëtuarve janë nxjerrë tashmë në breg nga një anije e FRONTEX, Agjencia Evropiane e Rojës Kufitare dhe Bregdetare, të cilët tashmë ndodhen në qytetin sicilian të Catania.
Dyqind të tjerë priten që të arrijnë më vonë, ndërsa 300 të tjerë do të transportohen me anije të Marinës në Augusta, afër Sirakuzës.
Organizata joqeveritare gjermane Sea-Watch vuri në dukje se ka vërejtur disa varka me emigrantë në Mesdhe gjatë fundjavës. Njëri mbante 221 persona, të cilët u shpëtuan gjithashtu nga roja bregdetare italiane, shtoi ai. Deri më tani nuk ka asnjë konfirmim zyrtar për operacionin specifik të shpëtimit.
Ministria e Brendshme e Italisë ka numëruar më shumë se 32,700 ardhje emigrantësh nga deti deri më tani këtë vit, nga rreth 7,900 në të njëjtën periudhë në 2022.
Javën e kaluar qeveria ka shpallur gjendjen e jashtëzakonshme javën e kaluar për shkak të rritjes së flukseve të migracionit në Mesdheun qendror .
(Kosova Sot Online )
