Spahiu: Në momentin që flamuri i Kosovës valon në Beograd atëherë kjo është njohje
Nëse flamuri i Kosovës valon në Beograd atëherë kjo është njohje, edhe pse nuk bëhet zyrtarisht, ka theksuar analisti, Nexhmedin Spahiu, transmeton gazeta “Kosova Sot Online”.
Duke folur për planin franko-gjerman, Spahiu është ndalur te pika ku Kosova dhe Serbia duhet t’i kenë zyrat e tyre në Prishtinë dhe Beograd.
“Në momentin që flamuri i Kosovës valon në Beograd atëherë kjo është njohje. Mali i Zi i ka 84 njohje zyrtarisht, por nuk e ka penguar që të anëtarësohet në OKB”, tha Spahiu teksa fliste për marrëdhënie ndërkombëtare.
Po ashtu, Spahiu ka folur edhe për zgjedhjet lokale në Veriun e Kosovës të parapara që të mbahen më 23 prill.
Spahiu është shprehur skeptik që serbët lokalë do të dalin në zgjedhje në mungesë të Listës Serbe.
(Kosova Sot Online)
