Komiteti i ministrave i KE voton pro procedimit të aplikimit të Kosovës në Asamblenë Parlamentare
Me mbi 2/3 e votave të shteteve anëtare pro procedimit të aplikimit të Kosovës në Asamblenë Parlamentare e Këshillit të Europës, ka votuar Komiteti i Ministrave i Këshillit të Europës, transmeton gazeta “Kosova Sot Online”.
Zëvendësministri i Punëve të Jashtme, Kreshnik Ahmeti e dha lajmin, duke e quajtur këtë “moment historik”.
“Komiteti i Ministrave i Këshillit të Europës ka votuar pro procedimit të aplikimit të Kosovës në Asamblenë Parlamentare. Ky është një moment historik shumëpalësh i rëndësishëm i arritur pas lobimit intensiv”, shkroi Ahmeti.
“Ne presim të bashkëpunojmë me Asamblenë Parlamentare dhe raportuesit e saj”, shtoi ai.
(Kosova Sot Online)
