Ndërron jetë zyrtarja e komunës Merita Mihovci

Një zyrtare e komunës, arkitektja Merita Mihovci, ka vdekur sot, ka njoftuar kryetari i Prishtinës, Përparim Rama, transmeton gazeta “Kosova Sot Online”.

Ai tha se kjo është humbje për ta, derisa i ka shprehur ngushëllime familjes së saj.

“Jemi kolektivisht të pikëlluar për humbjen e koleges sonë – Arkitektes Merita Mihovci. Merita ishte anëtare e çmuar e Drejtorisë së Investimeve Kapitale dhe e qytetit tonë”.

Rama tha se kontributi i saj në kryeqytet në projekte të panumërta publike dhe përkushtimi i saj ndaj shërbimit publik, do t’iu mungojë të gjithëve.

 “Qëndrimi i saj pozitiv, gatishmëria për të ndihmuar dhe buzëqeshja e saj do të na mungojnë të gjithëve. I shprehim ngushëllimet tona më të thella e të sinqerta familjes, e të gjithë atyre që e njohën dhe e donin Meritën”, ka shkruar Rama.

(Kosova Sot Online)