Kobra dhe dy të tjerët dënohen vetëm me nga 5 mijë euro gjobë

Dibran Hoxha, i njohur si “Kobra”, Arlind Dakaj dhe Mirsat Hajredini janë dënuar me vetëm nga 5 mijë euro gjobë për kryerjen e veprës penale “lëndim i rëndë trupor”.

Gjykata Themelore në Prizren, në seancën e 7 prillit, ka marrë aktgjykim ndaj tyre duke shqiptuar dënim me 6 muaj burgim, i cili është zëvendësuar me gjobë me kërkesë të avokatëve mbrojtës.

Dënimi ndaj tyre rezulton të jetë nën minimumin e paraparë me ligj.

Bazuar në përgjigjen e gjykatës, rezulton se dënimi është bazuar në nenin 186 të Kodit Penal të Kosovës, paragrafi 3, nënparagrafi 3.1, i cili parasheh dënim me burgim nga 1 deri në tetë vjet.

(Kosova Sot Online)