Lajçak: Escobar dhe unë ua shpjeguam partive opozitare dëmtimin e reputacionit ndërkombëtar të Kosovës
Për takimin e sotëm me krerët e partive politike opozitare, emisari i BE-së për dialogun Kosovë-Serbi, Miroslav Lajcak ka dhënë detaje, transmeton gazeta “Kosova Sot Online”.
Ai ka thënë se ua kanë sqaruar krerëve të opozitës për pasojat, krizën aktuale dhe për dëmin që i është shkaktuar Kosovës sa i përket reputacionit ndërkombëtar.
Ai ka treguar se i kanë kërkuar opozitës që të mbështesin një zgjidhje politike për de-eskalimin e situatës.
“Escobar dhe unë ua shpjeguam partive opozitare shqiptare të Kosovës pasojat e krizës aktuale dhe dëmtimin e reputacionit ndërkombëtar të Kosovës. Ne u kërkuam atyre të mbështesin një zgjidhje politike për të zbutur tensionet”, ka thënë Lajcak.
(Kosova Sot Online)