Sot mbush 15 vjet Himni shtetëror i Kosovës
Nga miratimi në Kuvendin e 120 anëtarëve, që ka shpallur pavarësinë më 17 shkurt të vitit 2008, Himni shtetëror i Kosovës do t’i mbushë sot 15 vjet, transmeton gazeta “Kosova Sot Online”.
Propozimi me shifrën “Europa” është miratuar më 11 qershor të vitit 2008, në një seancë të veçantë si himn shtetëror me 72 vota pro, 15 kundër dhe 5 abstenime.
Kur është propozuar melodia e autorit Mendi Mengjiqi, himni ka pasur edhe vargjet e shkruara, por për shkak të restrikcioneve nga pakoja e ish-presidentit Martti Ahtisaari, komisioni përzgjedhës është detyruar të heqë tekstin.
(Kosova Sot Online)
