Lexoni edhe:
Kryediplomati italian: Ushtarët tanë po punojnë për paqe në Kosovë e Bosnje, e duam rajonin në BE
Deputeti gjerman thirrje urgjente BE-së e SHBA-së: Ndaleni Vuçiqin, po nxit nacionalizmin dhe urrejtjen
Kryetari i Komisionit për Punë të Jashtme në Bundestagun gjerman nga radhët e Socialdemokratëve, Michael Roth, ka thënë se Shtetet e Bashkuara të Amerikës dhe Bashkimi Evropian duhet të ndalojnë veprimet e presidentit të Serbisë, Aleksandër Vuçiq, i cili po minon parimet e BE-së, transmeton "Kosova Sot Online ".
Roth përmes një cicërime në llogarinë e tij në rrjetin social “Twitter”, ka thënë që “është koha që SHBA-të e BE-së të riformojnë strategjinë në lidhje me Serbinë në Ballkanin Perëndimor”.
“Presidenti Vuçiq minon parimet drejtuese të BE-së, ai inkurajojnë nacionalizmin dhe urrejtjen”, shkroi ai në “Twitter”.
Sipas tij, “ajo që na duhet vërtet është lidershipi i guximshëm për të nxitur pajtimin, sundimin e ligjit, demokracinë”.
Këtë reagim ai e bëri postimin në Twitter të gazetares austriake, Franciska Çinderla, në të cilën ajo përshkruante “pluralizmin mediatik” në Serbi dhe 16 kanale televizive që transmetonin njëkohësisht fjalimin e Aleksandër Vuçiqit.
(Kosova Sot Online )
