Sonneborn shpërndan pamjet e ngjarjes në Kuvend: Në prill ua miratuam heqjen e vizave
Një video nga momenti i dhunës së sotme në Kuvendin e Kosovës, e ka shpërndarë deputeti gjerman i Parlamentit Europian, Martin Sonneborn duke kujtuar se Bashkimi Europian e ka miratuar liberalizimin e vizave për kosovarët, transmeton gazeta “Kosova Sot Online”.
Politikani satirik që e kundërshton qasjen e udhëheqësve të BE-së shkroi në Twitter se si në prill PE miratoi liberalizimin e vizave për Kosovën dje dhe si vetëm rreth 3 muaj më pas në Kuvendin e Kosovës ka dhunë.
“Në prill, Parlamenti i BE-së hapi rrugën për Kosovën: Mirë se vini në zonën Shengen nga 1 janari 2024! (Seanca e Kuvendit me Kryeministrin Albin Kurti, 13 korrik 2023)” shkroi Sonneborn .
(Kosova Sot Online)