Petkoviq i ka dy fjalë për serbin që dyshohet për sulmet në Veri

Për lirimin nga paraburgimi të serbit Urosh Vukashinoviq, i cili ishte arrestuar nga Policia e Kosovës si i dyshuar për sulmet në Veri, ka reaguar kryenegociatori serb, Petar Petkoviq, transmeton gazeta "Kosova Sot Online".

Petkoviq ka thënë se Vukashinoviq është bashkuar me familjen e tij dhe se është serbi i katërt që thotë se “Serbia ka arritur ta lirojë”.

“Dhe Urosh Vukashinoviq, serb i arrestuar në Leposaviq më 17 qershor nga policia e Kurtit, sot është liruar! Ai sapo ishte bashkuar me familjen e tij. Uroshi është serbi i katërt që e liruam dhe vazhdojmë luftën për të gjithë bashkatdhetarët tanë të arrestuar pafajësisht!”, ka shkruar Petkoviq.

(Kosova Sot Online)