Kurti zbulon se kush në Veri të Kosovës kanë dashur të fillojnë një luftë të re

Mediumi i madh britanik SKy News, shkruan se sulmi i 24 shtatorit ka rritur rrezikun për “se një zjarr tjetër në Ballkan mund të ziejë nën sipërfaqen e asaj që ka qenë në një periudhë në qetësi relative”, transmeton gazeta "Kosova Sot Online".

Sipas mediumit britanik, ajo që ka ndodhur më 24 shtator tregon ndërlikimet e strukturës së jetës në Kosovë dhe kjo nënkupton që “s’duhet të ketë vend vetëkënaqësi”.

Tutje ky medium potencon se “Ajo që është e pamohueshme është se tensionet mbeten jashtëzakonisht të larta dhe fantazma e një lufte tjetër në Evropë duket e madhe”, dhe se këmbanat e alarmit po bien në Bruksel dhe përtej Atlantikut në SHBA.

Kur përmendin qëndrimin e Kosovës, thonë se pretendojnë se sulmi ka qenë i orkestruar nga Beogradi duke treguar armët e rënda që grupi paramilitar ka përdorur. Ato armë, Kosova argumenton se mund të jenë marrë vetëm përmes lidhjeve me shtetin serb.

Për qëndrimet e kryeministrit Albin Kurti për gjithë këto ngjarje, Sky News konstaton se ai duket hapur i indinjuar dhe i frustruar gjatë një bisede me mediumin britanik.

“Ai po kërkon që komuniteti ndërkombëtar të mbajë një qëndrim më të ashpër ndaj fqinjit të tij serb”.

Kurti ka thënë se “burrat e gjelbër” në Veri të Kosovës kanë dashur të fillojnë një luftë të re dhe ta ndanin Kosovën.

“Ata mohojnë sepse po luajnë me librin e lojërave të Putinit në Donbas. Burra të vegjël të gjelbër në pjesën veriore të Kosovës. Jo aq pak, por njerëz të gjelbër me siguri, që donin të fillonin një luftë dhe të ndanin Kosovën,” ka thënë Kurti

(Kosova Sot Online)