Gjakovë:E mitura raporton se ishte abuzuar dhe dhunuar nga disa persona, arrestohen një grua dhe një burrë

Një vajzë e mitur ka treguar dje në Polici se ishte abuzuar dhe dhunuar nga persona të panjohur në lokacione të ndryshme, përcjell “Kosova Sot Online”.

Rastin e ka konfirmuar zëdhënësi i Policisë për Rajonin e Gjakovës, Sheremet Elezaj, i cili ka bërë me dije se lidhur me rastin janë arrestuar dy persona, një grua dhe një burrë, mbi dyshimin se janë të përfshirë në rast.

“Me datën 13.10.2023 rreth orës 09:00 viktima, femër (fëmijë), gjatë dëgjimit policor në prezencën e akterëve të nevojshëm ka treguar se ishte abuzuar dhe dhunuar nga persona të panjohur në lokacione të ndryshme.

Lidhur me rastin janë arrestuar dy persona, një femër dhe një mashkull të moshës madhore, mbi dyshimin se janë të përfshirë në rast. Veprimet e nevojshme hetimore janë kryer në koordinim me prokurorin e shtetit, me vendimin e të cilit të dyshuarit janë ndalur në mbajtje si dhe është iniciuar rast “Keqtrajtim apo braktisje e fëmijës” dhe “Dhunim””, ka deklaruar Elezaj.

(Kosova Sot Online)