“Izolimi” i ish-krerëve të UÇK-së, Kurti: Mundësitë janë të kufizuara, me Konjufcën po punojmë

Kryeministri i Republikës së Kosovës, Albin Kurti, është deklaruar pas vendimit të Dhomave të Specializuara për pezullimin e vizitave dhe të gjitha komunikimeve të ish-krerëve të Ushtrisë Çlirimtare të Kosovës, transmeton "Kosova Sot Online".

Kurti në një prononcim për media ka thënë se institucionet e Kosovës i kanë mundësitë e kufizuara që të ndikojnë në Gjykatën Speciale në Hagë

Por që tha se bashkë me kreun e Kuvendit, Glauk Konjufcën, po punojnë në këtë drejtim.

Lexoni edhe:

Mungesa e unitetit politik për ta kërkuar pezullimin e sanksioneve të BE-së kundër Kosovës dhe vendosjen e tyre kundër Serbisë është gabim fatal

“Është zhvillim negativ, por mundësitë janë të kufizuara që të kemi ndikim. Jeni duke menduar si të ndihmojmë bashkë më Glauk Konjufcën”.

Ndryshe, Zyra e Prokurorit të Specializuar ka kërkuar që të akuzuarve Hashim Thaçi, Kadri Veseli dhe Rexhep Selimi, t’u pezullohen vizitat dhe të gjitha komunikimet, përveç me ekipin e avokatëve.

Sipas ZPS-së, ata kanë shkelur urdhrat e trupit gjykues duke zbuluar identitetin e dëshmitarëve të mbrojtur dhe/ose shpërndarjen e përmbajtjes së dëshmisë konfidenciale për personat që i vizitojnë në Qendrën e Paraburgimit.

(Kosova Sot Online )