Atleti kosovar do të vrapojë nga Prishtina deri në Tiranë, Rama: Ky vrapim është një shprehje e dashurisë dhe respektit ndaj flamurit kombëtar
Atleti, Erzen Zyberaj, do të vrapojë nga Prishtina në Tiranë “për ta nderuar Festën e Flamurit Kombëtar”, përcjell “Kosova Sot Online”.
Kryetari i Prishtinës, Përparim Rama, i ka uruar rrugëtim të mbarë.
Rama ka shkruar se ky vrapim është një shprehje e vërtetë e dashurisë dhe respektit ndaj flamurit kombëtar.
“ Vrapim për Flamurin Kombëtar! I urova rrugëtim të mbarë atletit të pasionuar Erzen Zyberaj, i cili do të vrapojë nga Prishtina në Tiranë, duke përshkuar një distancë prej 260 km, për të nderuar Festën e Flamurit Kombëtar! Ky vrapim është një shprehje e vërtetë e dashurisë dhe respektit ndaj flamurit kombëtar”, shkroi Rama.
“Atleti ynë po bënë një udhëtim të shkëlqyer për të sjellë bashkë me vete frymën e pavarësisë dhe lavdisë që flamuri simbolizon”, shtoi ai.
(Kosova Sot Online)