Avokatja: Policia e ka ditur para varrimit që Naimi e ka porositur vrasjen, ka qenë urdhër i Prokurorisë që derisa të kryhet varrimi, të mos ndodhë arrestimi
Avokatja, Fehmije Gashi, tha se Policia e Kosovës, ka qenë në dijeni që Naim Murseli ka porositur vrasjen e bashkëshortes, para se të kryhej varrimi në fshatin Cernjan të Gjakovës, përcjell “Kosova Sot Online”.
Gashi tha se në mënyrë që të respektohej ceremonia e varrimit të së ndjerës, Prokuroria kishte urdhëruar që arrestimi i Murselit të kryhej më pas.
Tutje, Gashi tha se hetuesit kompetentë të cilët kanë planifikuar arrestimin, kanë qenë pjesë e varrimit.
“Mos të harrojmë që tanimë teknologjia informative është më e avancuar. Kohët e fundit kanë qenë kamerat, antenat, është teknologji shumë më e sofistikuar. Ata i kanë kapur ato indicet e para, mandej i kanë quar deri tek arrestimi i Plavës, personi i cili e ka ekzekutuar të ndjerën, e mandej ai e ka pranuar në tërësi. Policia veç ka qenë në dijeni dhe në bashkëpunim me prokuroren para se të bëhej varrimi itë ndjerës, në fshatin e bashkëshortit të saj. Mirëpo, ka qenë urdhër i Prokurorisë që derisa të kryhet varrimi, të mos ndodhë arrestimi në mënyrë që të respektohet ceremonia e varrimit. Por, hetuesit kompetentë të cilët kanë planifikuar arrestimin, kanë qenë pjesë e varrimit”, deklaroi Gashi
(Kosova Sot Online)